Bihar, zinema euskaraz Ibaialdeko liburutegian: Erlauntza

 

ERLAUNTZA

Noiz: abenduak 17

Non: Abusuko Ibaialdeko liburutegia (Ibaialde 3)

Ordua: 18:00etan

IZENA EMAN

Abenduko irabazleak, Egunean Behin Darabilbo-BilbokoBerbalaguna taldean.

 

Enecovich eta Roberto izan dira abenduko irabazleak. Baina Gartzaia izan da denboraldi honetako hoberena. Oraingo irabazleek oparitxo bat dute zain. On egin.

Azaroko irabazleak, Egunean Behin Darabilbo-BilbokoBerbalaguna taldean

 Azaroko irabazleak

@eguneanbehin

#DarabilboBilbokoBerbalaguna taldean. Gartzaia jo ta fuego dabil: birritan irabazle. Jon eta Josebabarandi bana. Hirurok oparitxo dute zain Plaza Barriko sarreran dagoen

@GEURIAmerkatua

-n. On egin, euskaraz jakina. #Bilbo

Darabilbo, 2021eko urriko agenda.

 

Urriarekin batera, Darabilboren agenda datorkigu. Hil honetan, zenbait kontu berri eta aspaldian egiten ez genituen beste batzuk, ABC, Bilboko museoaren erakusketa kasu. Lanak hasiko dira museoan, eta itxi baino lehen ia 2 urte programatu gabe genuen bisita gidatua bururatu zaigu. Errekalde aretoan, beste aukera interesgarri bat daukagu, instalazio eta euskarri ezberdinetan gauzatutako erakusketa. On Ekin-eko lagunek hauxe bidali digute atondu dute tailerraren gainean:

• "Egunerokotasunean elikadura ohitura osasungarriak barneratzea lortu duzu, baina bizitza sozialarekin nola kudeatu? Bizi estilo osasungarri batean alkohola sartu daiteke edo alkoholik gabeko edariak sartu behar dira? Lagunarteko asteburuetako otarteko, pintxo... afari bazkariak konpentsatu behar dira hurrengo egunean? Etxetik kanpo nola egin aukera osasungarriak? Baina, zer da osasungarria, soilik osasungarriak diren produktuak kontsumitzea? Galdera guzti hauen erantzungo ditugu eta baita trikimailu batzuk eman bizitza soziala eta ohitura osasungarriak kudeatzeko. Animatzen zarete?" Interesgarria, ezta?

Bestalde, Hamburgo Platz ostera bere badugu inarrosteko gure burua. Nigatik Artesania-ko Arantzak xala egiten erakutsi eta lagunduko digu, bi eguneko tailerrean. Eta amaitzeko, Ateleir Lora-ko Maria Aguirrekin ikusiko dugu kosmetika egiten sendabelarrekin. Lehenengo aldiz Darabilborekin, eta gainera ideia piloarekin etorri zaigu.

Azaroan ekintza bete agenda antolantzen ari gara. Beraz, adi egon.

Iraileko ekitaldietan izena emateko aukera, zabalik.

 

Irailaren 15era arte oporretatik bueltatu ez arren, jada zabaldu dizuegu izena emateko aukera irailaren amaieran egingo diren ekitaldietan. 15etik aurrera, baieztapen mezueak bidaliko dizkizuegu. Arin ibili, lekuak berehala betetzen dira eta.

Darabilbo 2021, ekaineko agenda: hegaluzea, Womanology eta hidromiel.

 

Ekaina jori dator bilbotarrontzat. Agenda ederra prestatu dizuegu hiru berritasunekin, tituluak dioen moduan. Hegaluzea eta hegalaburra (atuna zein zimarroi) izango dira protagonistak, horiek jateko sasoia da eta. Mikelek 3 ikastaro atondu dizkigu hile honetan, beraz inor ez da geratuko leku barik. Arte Eder museoan, aldiz, Womanology erakusketa (Jose Ramon Prieto bilduma) ikusgai izango dugu bertako giden laguntzaz, jakina. Eta oporretara joan baino lehen, bikingoek Valhalarako bidean edaten zutena ezagutu eta daastatzeko aukera izango dugu La Catedral de La Cervezako Mario Birretirekin. Kontu gehiago ere badaude, zuek aukeratu eta izena eman.

Izena Eman

#GukEuskarazSeguru

#PraktikatuEta Bizi 

#Bilbo

 

 

Darabilbo 2021, maiatzeko agenda

Maiatzeko agenda prest dago eta atxikituta bidaltzen dizugu. Dena dela, hiru ekitaldi nabarmendu nahi ditugu:

• Batetik, aspaldiko  partez, berriro ekingo diogu Bilboko Arte Ederren museoan bisita gidatuak egiteari. 6 lagunekoak, hori bai. Gainera, hasteko urrezko aukera dugu: Remigio Mendibururen obra. Besteak beste, Mendiburuk Korrikaren lekukoa egin zuen. Beraz, ez galdu.
• Bigarrenik, 28an, Thai sukaldaritzaren ingurukoak ezagutzeko eta dastatzeko aukera izango dugu ESHBI Erriberan Mikelen esku.
• Azkenik, gure maiatzerako apustu berezia: lorratzen jokoa, Bilboko Zazpi kaleak ezagutzeko. Ginkana moduko ekitaldia izango da, maiatzaren 17tik 21era, 10 txandetan banatuta, goizez edo arratsaldez, 3 laguneko taldeetan. Orotara 30 lagun. Txandak horrela egongo dira banatuta: maiatzaren 17an, 19an eta 20an arratsaldean, 18:00 eta 18:30ean. Maiatzaren 18an eta 21ean berriz, goizean, 10:00 eta 10:30ean. Izena modu indibidualean eman behar da, guk taldeak osatuko ditugu, egun horretan geratu eta lorratzen liburuxka eta emaitzen orria emango dizkizuegu. Nahi duzuen denbora erabili dezakezue betetzeko. Amaitutakoan, emaitzen orria eta selfie bat guri bidali behar dizkiguzue. Asmatzaileentzat sariak egongo dira, jakina.

Hilabete mamitsua dugu aurrean, betiere #GurekinEuskarazSeguru.

Laster arte

 

Oharra: gogoan izan maiatzaren 3an Egunean Behin lehiaketa martxan da berriro. 7. denboraldia, 10 astez, uztaileko finalera arte.

 

2021eko apirileko agenda, gehiena online.

 

Apirilean ere, agenda interesgarria dakarkizuegu. Oraingo honetan ekitaldi gehienak online izango dira. Badakizue, #GukEuskarazSeguru. Ea maiatzean, udaberriarekin batera, kontu gehiago egiterik dagoen kalean.

 

Hemen zenbait ekitaldien nondik norakoak. Puntua-trikot tailerrarekin urrats bat aurrera egingo dugu, ganorazko jertse bat egiteko parada izango duzue; horretarako, lau saio egingo ditugu apiriletik ekainera (apirilean lehenengo bi saioak izango dira), lan eskerga baitakar jertsea egiteak. Bilboko Berbalaguna-Mintzapraktika taldeekin batera Autu-mautua antolatu dugu (online solasaldiak dira autu-mautuak, eta Jitsi aplikazioaren bidez egiten ditugu); Itziar Aceves ingeniaria izango dugu gurekin argindar fakturaz gehiago jakiteko, eta nola ez ahal bada, aurrezten ere lagunduko digu. Garagardo eta literatura lotuko ditugu Mario Birretirekin (La Catedral de la Cerveza). Nutrizio etiketak eta, bestetik, afari arinak eta osasungarriak, On Ekin Nutrizioa-ko Andrea eta Nahiarekin. Hamburgo Platz Bira Kulturgunean, Miren Agur Meaberekin.

 

Ondo pasa.

 

 

Loraldia Festibalerako, sarrerak opari eta zozketan.

Egunean Behin lehiaketan, #DarabilboBilbokoBerbalaguna taldean aste honetako irabazlea Gartzaia izan da. Jokatu dutenen guztion artean beste sarrera bi ere zozketatu ditugu, sariduna: Alex-is. Zorionak! Bina sarrera @LoraldiaFesta -eko Loreak eta zauriak, Xabier Leteri kantari ikusteko Arriaga Antzokian, martxoaren 11n, 19:00etan.

Jarraitu jokatzen, datorren astean saria lau sarrera izango baitira Bizimina, Kukai ikusteko Campos Antzokian.

 

 

2021eko martxoko agenda. Berritasunak eta beste kontu batzuk.

 

 

 Martxoko agenda, kontu berriak

Azken boladan, aforoak direla eta, arazoak izan ditugu zenbait ekitaldi burutzeko, museo bisita gidatuak eta gozogintza tailerrak, kasu. Hori dela eta, martxoak bi ekitaldi horiek ez egitea eta Aste Santuren bueltan saiatuko gara berriro  egiten (egoera aldatuko ahal du!). Dena dela, aldaketaren bat egongo balitz aste hauetan, bertan behera utzitako tailerrak egiteari ekingo diogu izen emandako jendearekin.

• Gatozen harira, gozogintza ez da martxoan egongo, baina sukaldaritza, bai. Artxandako Sukaldaritza eskolarekin elkarlanean bi tailer prestatu ditugu martxoaren amaierarako: Arrozak eta risottoak. Erriberako merkatuan, beren-beregi horretarako prestatuta dagoen sukalde dotore batean. Goizez baino ezin izan ditugu programatu hil honetan, hala ere, lasai, apirilerako arratsaldean ere egongo dira.

• Bilboko Berbalagunarekin (mintzapraktika taldeak) elkarlanean Familian Euskaraz Jolasean antolatu dugu Urtxintxa Eskolaren laguntzaz. Helduak eta haurrak elkarrekin jolastea euskaraz du helburu egitasmoak. 45 minutuko hiru saio egingo ditugu. Saio bakoitzean 4 laguneko bi talde, distantzia nahikoarekin eta maskara jantzita. Bi taldeen erdian Urtxintxa Eskolako dinamizatzailea. Hori bera, 17:00etan, 18:00etan eta 19:00etan. Orotara 24 lagun arituko dira. Horrelako bi egingo ditugu: Deustun, martxoaren 17an; eta Santutxun, martxoaren 24an. Familiako, heldu eta haur bana (4 urtetik 10 urtera). Izena helduak emango du eta haurraren izena aipatuko du.

• Azken berritasuna Txiribuelta, bidaia frustratu baten abentura ederra solasaldia izango da. Asier Arroitaren esku (batzuek argazkilaritza tailerretik gogoan izango duzue), pandemiaren erdian harrapatutako bidaia kontatu eta berarekin komentatzeko aukera izango dugu, Otxarkoagako udaltegian.

Gehiago ere badago, begiratu bat egin, ez zaizu damutuko.

Ondo pasa eta zaindu.

#NikEuskarazSeguru

 

Darabilbo 2021, otsaileko agenda

 

 Zer darabilbozue? Otsailean ere birusak #EzGaituMututuko. Agenda ederra prestatu dizuegulakoan gaude.Neurri berriak direla eta, zenbait ekitaldi azken unean gerorago egiteko utzi behar izan ditugu. Baian zerbait aurreikusten genuenez, online egiteko aukera batzuk prestatu dizkizuegu; garrantzitsuena baita guretzat une hauetan zuek guztiak osasuntsu mantentzea.

Puntua, etiketa irakurtzeko tailerra, makrame, garagardo dastaketa,...

Ez galdu aukera.

Zaindu eta ondo pasa.

Euskaraz seguru.

 

Darabilbo, 2021. Urte berri euskaldun on!

 

 Darabilbok opa dizue urte berri euskaldun ona!!!