Darabilbo 2026: otsaileko agenda.

 

 

Zer darabilbozue?

Agenda prest. Inauteriei begira familia tailerrak, horren aurretik bisita gidatua Rekalde aretora, berbalagunen irteera, Yoga euskaraz, zientzia berbalagunak, eta arkitekto emakumezko baten erakusketa. Euskaraz eta doan.

#euskaraZUzara

#Darabilbo

#MintzapraktikaTaldeakBilbokoBerbalaguna

#Bilbo

 

Darabilbo 2025, azaroko agenda:Berbalagunon hasiera ekitaldia, kakorratza-lana, museoak, gozogintza, Yoga eta Zientzia Berbalagunak.

 

 

Zer darabilbozu?

Darabilbo azaroan: Bilboko Berbalaguneko hasiera ekitaldia  egingo da Deustun; azenario, koko, jengibre eta txokolatezko bolatxoak egiteko 3 tailer, ordu eta leku ezberdinetan; kakorratza-laneko azken saioa (adituentzat); museo bisitak, Bilboko Arte Ederren museoan (Ataria BAT), izeneko erakusketara; Yoga euskaraz Deustu aldean eta Zientzia berbalagunak, beira hizpide. Ondo pasa.

EMAN IZENA

#Darabilbo

#euskaraZUzara

#Bilbo

 

Darabilbo 2025, urriko agenda: Kakorratz Gerrilla, museoak, gozogintza, Yoga eta Zientzia Berbalagunak.

 

 

Zer darabilbozu?

Udagoienari ongietorria emateko, Darabilbok agenda zabala prestatu du: kakorratza-lana, gozogintza tailerra, museo bisita gidatuak, yoga euskaraz eta Zientzia Berbalagunak.

Kakorratz Gerrillak, oraingo honetan, tailer aurreratua atondu du (hau da eskarmentua izan beharko duzue) mosaiko teknikaz neguko kapela egiteko (aurrerago beste bat egingo duzu hasiberrientzat: sorpresa). Txaramelako nesken eskutik bolatxo gozoak prestatu eta jango ditugu, Txurdinaga aldean. Bilboko Arte Ederren museoan, berritze lanen parte bat bukatuta, Ataria (Bat) erakusketa izango dugu ikusgai arte urbanoa ardatz duena, goizean zein arratsaldean. Urte osoan zehar Yoga euskaraz, Ainhoa Unzalurekin, izango dugu hilero azken asteartetan, lehenengo saioa urriaren 28an izango da. Zientzia Berbalagunak egitarau berriarekin datoz: solido eta likidoen istorio eta historia harrigarriak. Eta hila amaitzeko Rut Olabarriren erakusketa ikusiko dugu Rekalde aretoan.

Gogoan izan Egunean Behin jokoaren 19. denboraldia hasi dela, eta Darabilbo-BilbokoBerbalaguna taldean parte hartzea duzue.

Denetarik, denentzako eta euskaraz.

#Darabilbo

#euskaraZUzara

#Bilbo

 

Darabilbo 2025: maiatzeko agenda.

 

 

Jai osteko ekitaldi andana ekarri ditugu, Euskaraldiari begira, gure mina trebatzeko. Hasteko, Juan Carlos Egillorri eskainitako erakusketa dugu ikusgai, Rekalde aretoan. 15ean berriz, Bilboko Arte Ederren museoan funts berri euskaldunak izango ditugu ikusteko, beren-beregiko bisita gidatuan, goizean zein arratsaldean. 22an, aldiz, Zazpikaletako jaien barruan, Familian Euskaraz Jolasean ekimenaren barruan, zirku tailerra izango dugu Santiago plazan. Gaztedi Dantzari taldearen lokaletan Ane Albisuk erakutsko digu zelan jantzi egoki euskal ospakizunetan. Azken astean, yoga-lagunak ikasturteko azken saioa izango dute, Deustu aldean, eta Zientzia berbalagunak, Santutxun, magalopoliez arituko dira berbetan. Hila amaitzeko, Ondare aretoan, Euskal Akurelarien 80. urteurrena ospatzeko nazioarteko erakusketa izango dugu ikusgai.

Ez galdu.

EMAN IZENA

#PraktikatuEtaBizi
#Bilbo
#Darabilbo
#euskaraZUzara

 

 

Darabilbo 2025, urtarrileko agenda.

 

 

Darabilbok agenda jada prest du urte berrirako. Kakorratz gerrillaren saio bi, Barazki haburgesak Txaramela Pastarekin, , Ondare aretoan Kameratik orratzera ikusteko parada izango dugu Eulalia Abaituaren argazkien emakumeen jantziaz aritzeko, Zientzia Berbalagunak erradioaktibitateaz arituko dira  Jose Ramon Etxebarria fisikariaren eskutik, Bilboko Arte Ederren museoan Guezala vs. Goenaga proposamena ikusteko aukera izango dugu, Jon Arretxe eta Aldauri fundazioaren eskutik Touré detektibearen ibilbidea jarraituko dugu eta hila amaitzeko Garagardo Dastarketa izango dugu Miribillan (dastaketa + azterketa, nota ona ateratzen duenak saritxo bat eramango du).Ondo pasa.

 

EMAN IZENA

Darabilbo.eus

#PraktikatuEtaBizi

#euskaraZUzara
#Bilbo

#Darabilbo

Darabilbo 2024, abenduko agenda.

 

 

Darabilbo abeduan: barazki hanburgesen tailer bi izango ditugu Txaramelarekin, bisita gidatu bat goiz batean (Bilboko Arte Ederren museoan, Egunean Behin 16.eko sasoiaren amaiera ekitaldia,
Bizkaiko txakolin berezien dastaketa Txurdinaga aldean, Zientzia Berbalaguneko urteko azken ekitaldia eta Zorrotza aldean okindegi batera bibita gidatua egingo dugu Mikel Saizen eskutik.
Urtea amaitzeko, ezin plan aproposagorik. Ondo pasa.

EMAN IZENA

Darabilbo.eus

#PraktikatuEtaBizi
#euskaraZUzara
#Darabilbo
#Bilbo

 

Darabilbo 2024, apirileko agenda.

 

Martxoan: txakolin dastaketa, Indautxu AEK-n; Harro herri jolasak, helduak eta haurrak batera, Santutxun zein Miribillan;  Josu Martinezen Bizkarsoro filmaren 3 emanaldi, Santutxun, Solokoetxen eta Txurdinagan; eta zientzia berbalagunak. Horrez gain gogoan izan, 23. Korrika Bilbotik pasatuko dela martxoaren 21ean, ostegunean. Beraz, jarri sasoian.

#Darabilbo

#PraktikatuEtaBizi

#Korrika23

#HarroHerri

 

 

Darabilbo 2024: urtarrileko agenda.

 

 Zer darabilbozue?

Darabilbok agenda jada prest du urte berrirako. Kakorratz gerrillaren saio bi, BBKateak Bilboko Arte Ederren museoan beste bisita bi, Ondare aretoan azken aukera Bilboko Zinemen arkitektura ikusteko parada, Rekalde aretoan azkena ere Sorrouileren proposamena ikusteko, pasta tailerra Txaramelarekin Txurdinagan eta, hila amaitzeko, Zientzia Berbalagunak Arkimedez arituko dira  Jose Ramon Etxebarria fisikariaren eskutik.Ondo pasa.

EMAN IZENA

Darabilbo.eus

#PraktikatuEuskarazGurekin
#BilbonEuskaraz
#Darabilbo

 

 

Darabilbo 2023, abenduko agenda: Zientzia Berbalagunak, zinemen arkitektura eta Bariku Beltza.

 

Darabilbon agenda ja prest dugu abendurako. Laburra, tartean jai eta ospakizun asko daude-eta, baina interesgarria. Zientzia Berbalagunak hasteko, gnomonaz egiteko berba. Ez dakizuela zer demontre den gnomona, bada erdu Zientzia Berbalagunekin batera ikastera,  Jose Ramon Etxebarria fisikariaren eskutik.
Abenduaren 14an, goizez zein arratsaldez, Bilboko antzinako zinemen arkitektura ezagutzeko parada izango dugu Aitziber Etxebarria arkitektoarekin batera, Maria Diaz Haroko kalean dagoen Ondare aretoan.
Amaitzeko, 15ean,  Zuk Zeuk aukeraren bitartez (jendeak beren-beregi eskatutako ekitaldia; zuek ere aukera hori duzue), Bariku Beltza izango dugu loteria kalean Mario Sanchoren eskutik: garagardo dastaketa. Leku txikia da, eta eskatzaileak gain jende gutxi sartzeko aukera egongo da.

Ondo pasa.

Darabilbo 2023: oporrak eta iraileko agenda.

 

Zer darabilbozue?

Uztailean eta abuztuan oporrak hartuko ditugu, eta irailaren erdialdetik aurrera, martxan egongo gara berriro.

Bost ekitaldi  prestatu ditugu irailerako:

- Hilaren 22an, Kakorratz-lana tailerra izango dugu. poltsoa egingo dugu, eta irailaz gain urrian eta azaroan ere arituko gara.

- Hilaren 25ean, BBKateak ekimenaren barruan, Bilboko Arte eder museoko areto bateko bi artista parez pare jarriko ditugu (garai ezberdinekoak, estilo diferentekoak,...). goizeko 10:00etan eta arrtsaldeko 18:00etan egiteko aukera egongo da.

- Irailaren 27an, ekitaldi pare bat izango ditugu ordu berean, beraz aukeratu beharko duzue. Santutxuko udaltegian Zientzia berbalagunen solasaldia izango dugu (datorren ikasturtean historian egondako zientifikoak izango ditugu hizpide). Olabeagan, berriz, sushia eta garagardoa ezkontzen ikasko dugu (La Catedral de la Cerveza Mario eta Jorgerekin, eta Sopelako Nobu Sushiko Nobukoreikin).

Jada baduzue ekimen hauetan izena emateko aukera, hala ere, horren baieztapena ez duzue izango irailaren erdialdera arte.

 

Ondo pasa, eta ez ahaztu euskara beti ahoan edonon egonda ere.

 

 

Darabilbo 2023: maiatzeko agenda.

 

Maiatzeko agenda, prest. Aspaldiko zabalena, euskaltegietako jendeak eskaera asko egin ditu-eta HABE-ko azterketen ostean aisialdiaz gozatzeko. Familia Euskaraz Jolasean ekimenaren barruan, antzerki tailerrak izango ditugu Deustun eta Miribillan; Kirola eta Natura ekimena berriro dugu martxan bi ibilaldirekin; gazteagoentzako Rap tailerrra Raperurekin; Itsamuseumera bueltatuko gara bi egunetan; Santutxu aldean pintxo osasungarriak egiten ikasiko dute; Rekalde aretoan instalazio ezberdinak ikusteko parada izango dugu; Maus komikiaren itzultzailearekin lan egiteko aukera izango dugu, eta amaitzeko hila (eta haien ikasturteko azken ekitaldia) Zientzia berbalagunak izango ditugu kosmologiako hiztegiaz berbetan. Jada baduzue izena emateko aukera:

EMAN IZENA: https://labur.eus/YMK2Y

#Darabilbo

#PraktikatuEtaBizi

#BilbonEuskaraz

 

 

 

Darabilbo 2023: martxoko agenda.

 

Martxoko agenda jada prest dugu.

Kakorratz Gerrilla azkenengo saioaz batera hasiko dugu hila. Gero, Munduari buelta eman zion ontzia liburuaren gainean solasaldia egingo dugu Sarrionaindiarekin. ondoren La Basurekin Hip Hop tailerra, Pintxo osasungarriak (On Ekinen eskutik), Maus komikiaren itzultzailearekin solastuko gara (oraingo honetan, bai). Hilaren amaieran, halaber, familia tailerrak izango ditugu berriz ere (Bilboko Berbalagunarekin elkarlanean); oraingo honetan antzerkia ardatz hartuta, Bilboko bi lekutan: Santutxu-Txurdinaga eta Zurbaranen. Baina ez kezkatu, aiprilean Deustun eta Miribillan ere egingo ditugu. Eta nola ez Zientzia Berbalagunak bueltan ditugu, oraingo honetan Einsteinen espazio denboraz. Amaitzeko, Mahatserriko mintzodromoa izango dugu; euskara kalera aterako dugu nerabeak eta helduak elkarlanean.

Eman izena: https://labur.eus/YMK2Y

--

 

 

 

Darabilbo 2022, abenduko agenda (eta urteko azkena)

 

 

Zer darabilbozue?

Urteari amaiera emateko agenda joria dakarkizuegu.

Zientzia arituko gara aste honetan bertan "Zientzia euskara onean" programaren barruan. Ez pentsatu zaila izango denik, solasaldia prestatu dugu belarriprest zein ahobizientzat, eta Jose Ramon Etxebarria fisikariak gidatuko du. Kakorratza-lanaren bigarren saioa izango dugu, eskularru ederrak egingo dituzte Arantza eta Kakorratz Gerrillako lagunen laguntzaz. Asier Arroita bidaiariak hitz egingo digu Albania, Bulgaria eta Turkiari buruz. Rs Bilbao fisioterapiako kidea den Iera Garcia bizkarreko minari zelan aurre egin azalduko digu. Eta urtea amaitzeko, Anek&Goranek talo gozoa egiten erakutsiko digute (Arbizuko txistorrarekin lagunduta, jakina).

Hori guztia euskaraz eta doan.

 

Ondo pasa, eta urte amaiera on eta euskalduna izan.

#Darabilbo

#PraktikatuEtaBizi

#BilbobEuskaraz

#EuskarazEtaDoan

 

Jose Ramon Etxebarria, katedralen eraikuntza. Birusak #EzGaituMututuko

Gaur, Jose Ramon Etxebarriak solasaldi baterako hitzordua zuen Lizardi AEK-n arratsaldeko 7etan, Darabilbok antolatuta. Jakina, ezin izango du eman. Baina zerbait utzi digu, modu birtualean bada ere, berataz ez ahazteko eta hau guztia pasatzen denerako berriro gurekin egongo dela gogorarazteko. Orain ezin zigun ezer bidali, dena dela, 2017an emandako hitzaldia aholkatu digu zuei eskaintzeko. Katedralaren erainkuntza du izena. Ez larritu, ez duzue zertan zientifiko ezta historialariak izan, ondo pasatzeko hitzaldiarekin. Ezetz asmatu zer den katedral hori? Erantzuna jakin nahi baduzue hor duzue. Ondo pasa eta mila esker, Joserra, berriz ere:

https://youtu.be/aGnpKgjZs-0?t=6020

Birusak #EzGaituMututuko

#PraktikatuetaBizi

#GERATUETXEAN