Darabilbo 2026: otsaileko agenda.

 

 

Zer darabilbozue?

Agenda prest. Inauteriei begira familia tailerrak, horren aurretik bisita gidatua Rekalde aretora, berbalagunen irteera, Yoga euskaraz, zientzia berbalagunak, eta arkitekto emakumezko baten erakusketa. Euskaraz eta doan.

#euskaraZUzara

#Darabilbo

#MintzapraktikaTaldeakBilbokoBerbalaguna

#Bilbo

 

Darabilbo 2025, urriko agenda: Kakorratz Gerrilla, museoak, gozogintza, Yoga eta Zientzia Berbalagunak.

 

 

Zer darabilbozu?

Udagoienari ongietorria emateko, Darabilbok agenda zabala prestatu du: kakorratza-lana, gozogintza tailerra, museo bisita gidatuak, yoga euskaraz eta Zientzia Berbalagunak.

Kakorratz Gerrillak, oraingo honetan, tailer aurreratua atondu du (hau da eskarmentua izan beharko duzue) mosaiko teknikaz neguko kapela egiteko (aurrerago beste bat egingo duzu hasiberrientzat: sorpresa). Txaramelako nesken eskutik bolatxo gozoak prestatu eta jango ditugu, Txurdinaga aldean. Bilboko Arte Ederren museoan, berritze lanen parte bat bukatuta, Ataria (Bat) erakusketa izango dugu ikusgai arte urbanoa ardatz duena, goizean zein arratsaldean. Urte osoan zehar Yoga euskaraz, Ainhoa Unzalurekin, izango dugu hilero azken asteartetan, lehenengo saioa urriaren 28an izango da. Zientzia Berbalagunak egitarau berriarekin datoz: solido eta likidoen istorio eta historia harrigarriak. Eta hila amaitzeko Rut Olabarriren erakusketa ikusiko dugu Rekalde aretoan.

Gogoan izan Egunean Behin jokoaren 19. denboraldia hasi dela, eta Darabilbo-BilbokoBerbalaguna taldean parte hartzea duzue.

Denetarik, denentzako eta euskaraz.

#Darabilbo

#euskaraZUzara

#Bilbo

 

Darabilbo 2025, iraileko agenda: museoak eta ibilaldia San Frantzisko auzoan zehar.

 

 

Uztailean eta abuztuan oporrak hartuko ditu Darabilbok, baina irailaren erdi aldetik aurrera, martxan egongo gara berriro. Lau ekitaldi prestatu ditugu irailerako, interes handikoak:

- GREKOTIK ZUKOAGARA IBARROLATIK IGAROTA izeneko erakusketari bisita gidatua egiteko aukera izango dugu, Bilboko Arte Ederren museoan. bi aukera egongo dira: bata, irailaren 24an, 18:00etan; eta bestea, irailaren 25ean, 10:00etan.
- Irailaren 25ean, BILBOKO KALE GORRIAN bisita gidatua egingo dugu San Frantzisko auzoan zehar, sozialista aitzindarien aztarnen bila, Arturo Izarzelaiak gidatuta (Aldauri Fundazioa).

- Irailaren 26an, LABERINTO Juan Carlos Eguillorren erakusketa ikusteko azken aukera izango dugu (astean bertan amaituko da eta), Rekalde aretoan, arratsaldeko 18:00etan.

Jada baduzue ekimen hauetan izena emateko aukera, hala ere, horren baieztapena ez duzue izango irailaren erdialdera arte.

Ondo pasa, eta ez ahaztu: euskara beti ahoan edonon egonda ere.

 

#Darabilbo

#PraktikatuEtaBizi

#euskaraZUzara

#Bilbo

Darabilbo 2025: ekaineko agenda.

 

 Darabilbo 2025, ekaineko agenda.

Ikasturtea amaitzeko programa alaia eta anitza dudugu Darabilbon. Hasteko, Elkarrekin Josteko eguna ospatuko dugu, trenez kakorratza egiten Matienaraino (Kakorratz Gerrilla). Kirola eta Natura egitasmoak bultzatuta, orientazioa izango dugu Iturritxualde mendian (Avril). Otxarkoagako jaien Euskararen egunean, Familian Euskaraz Jolasean ekimenak dantza ikastaroa antolatuko du familiakide guztientzat. 18an, Gabriel Arestiren obra ezagutuko dugu, idazlearen lekuak ikusten ditugun bitartean ibilaldi literarioan. Juan Carlos Eguilleorren obra, egun berean, ikusteko aukera dago Rekalde aretoan. Eta eguna amaitzeko Bizkaiko txakolinaren kolore guztiak ikusi eta dastatzeko aukera izango dugu Indautxu AEK euskaltegian. Hileko azken ekitaldia, Bilbo Zaharrean izango da, Xake Espazioan, hain zuzen: Euskal Herriko garagardoak ezagutzeko aukera izango dugu.
Ez galdu.

EMAN IZENA

Darabilbo.eus

#PraktikatuEtaBizi
#Bilbo
#Darabilbo
#euskaraZUzara

Darabilbo 2025: maiatzeko agenda.

 

 

Jai osteko ekitaldi andana ekarri ditugu, Euskaraldiari begira, gure mina trebatzeko. Hasteko, Juan Carlos Egillorri eskainitako erakusketa dugu ikusgai, Rekalde aretoan. 15ean berriz, Bilboko Arte Ederren museoan funts berri euskaldunak izango ditugu ikusteko, beren-beregiko bisita gidatuan, goizean zein arratsaldean. 22an, aldiz, Zazpikaletako jaien barruan, Familian Euskaraz Jolasean ekimenaren barruan, zirku tailerra izango dugu Santiago plazan. Gaztedi Dantzari taldearen lokaletan Ane Albisuk erakutsko digu zelan jantzi egoki euskal ospakizunetan. Azken astean, yoga-lagunak ikasturteko azken saioa izango dute, Deustu aldean, eta Zientzia berbalagunak, Santutxun, magalopoliez arituko dira berbetan. Hila amaitzeko, Ondare aretoan, Euskal Akurelarien 80. urteurrena ospatzeko nazioarteko erakusketa izango dugu ikusgai.

Ez galdu.

EMAN IZENA

#PraktikatuEtaBizi
#Bilbo
#Darabilbo
#euskaraZUzara

 

 

Darabilbo 2025, martxoko agenda: buruarinak, kalejira, yoga, zeramika eta museoak.

 

Hamaika ekitaldirekin dator martxoa. Museo bisita gidatuak izango ditugu Ondare aretoan, Rekalde aretoan (lehenengoa berreraikitze lanen ostean) eta Bilboko Arte Ederren museoan. Buruarinen tailer bi familientzako izango ditugu Miribillan eta Santutxu; azken horretan buruarinen kalejira bat ere egingo dugu urte hauetan egindako buruarin guztiekin. Zientzia berbalagunak fisio nuklearraz arituko dira. Yoga taldearekin jarraituko dugu, egonkortu baitugu ikasturtea amaitu arte; eta amaitzeko beste zeramika tailer bat egingo dugu Manurekin Otxarkoagan. Ahaztu gabe Egunean Behin lehiaketan aritzen garela oraindik Darabilbo-BilbokoBerbalaguna taldean.

Eman izena.

#Darabilbo

#PraktikatuetaBizi

#euskaraZUzara

#Bilbo

Darabilbo 2024: otsaileko agenda.

 

 

 

Darabilbo 2024, otsaileko agenda.

Darabilbo otsailean bete-betea. Kakorratz gerrillaren beste saio saio bi, Buruarinen hiru ekitaldi Bilboko hiru auzotan (Deustunn, Miribilla eta Santutxun). Urtarrtilean egin ezin genituen bi bisita gidatuak berreskuratuko ditugu: Ondare aretoan, orain bai, azken aukera Bilboko Zinemen arkitektura ikusteko parada; Rekalde aretoan, azkena ere, Sorrouileren proposamena ikusteko. Hasieran Berbalagunon irteera izango dugu Oñati aldera Egizuko Berbalagunekin batera. Eta berritasun gisa, irrintzi tailerra izango da Bilborocken. Hila amaitzeko, Zientzia Berbalagunak Hipatiaz arituko dira  Jose Ramon Etxebarria fisikariaren eskutik.Ondo pasa.

EMAN IZENA

Darabilbo.eus

#PraktikatuEuskarazGurekin
#BilbonEuskaraz
#Darabilbo

 

Darabilbo 2024: urtarrileko agenda.

 

 Zer darabilbozue?

Darabilbok agenda jada prest du urte berrirako. Kakorratz gerrillaren saio bi, BBKateak Bilboko Arte Ederren museoan beste bisita bi, Ondare aretoan azken aukera Bilboko Zinemen arkitektura ikusteko parada, Rekalde aretoan azkena ere Sorrouileren proposamena ikusteko, pasta tailerra Txaramelarekin Txurdinagan eta, hila amaitzeko, Zientzia Berbalagunak Arkimedez arituko dira  Jose Ramon Etxebarria fisikariaren eskutik.Ondo pasa.

EMAN IZENA

Darabilbo.eus

#PraktikatuEuskarazGurekin
#BilbonEuskaraz
#Darabilbo

 

 

Darabilbo 2023: urriko agenda.

 

 Zer darabilbozue?

Urriko agenda interesgarri dator, adi! Kakorratz Gerrillako lagunek poltsoa egiten hasi ziren irailean, eta hilabete honetan segida emango diote (baita etxean egin behar duten lana ere). Errekalde aretoan bi bisita gidatu antolatu ditugu ditugu (goizean zein arratsaldean): Varietés Eduardo Sourrouilleren obra ikusteko.
Urriko azken asteazkenean, Zientzia Berbalagunekin solasaldia egongo da Santutxuko udaltegian. Ikasturte honetan, zientziaren historiari emango diote bide. Hori guztia  Jose Ramon Etxebarriaren eskutik.
Hila amaitzeko, itzelezko hitzordua dugu. Jon Arretxe idazlearen eskutik ibilaldi gidatua izango dugu bere nobeletako Toure detektibearen  tokietatik (Zabala, San Frantzisko eta Bilbo Zaharra kaleetatik). Tokian tokiko irakurketez gain, amaieran Arretxeren liburu berria erosteko aukera ere egongo da. Fleming doktorearen plazatik abiatuko da martxa, eta Bilbo Zaharreko plazan amaitu (Aldauri Fundazioaren eskutik).

Egunean Behin lehiaketako 13. denboraldia hasiko da urriaren 2an, eta Darabilbo-BilbokoBerbalaguna taldean parte hartu nahi baduzue bidali whatsappa 607530132 telefonora

Jada baduzue ekimen hauetan izena emateko aukera,

Ondo pasa.

IZENA EMAN

Darabilbo.eus
#PraktikatuEuskarazGurekin
#BilbonEuskaraz
#Darabilbo2023koUrria

 

Darabilbo 2023: maiatzeko agenda.

 

Maiatzeko agenda, prest. Aspaldiko zabalena, euskaltegietako jendeak eskaera asko egin ditu-eta HABE-ko azterketen ostean aisialdiaz gozatzeko. Familia Euskaraz Jolasean ekimenaren barruan, antzerki tailerrak izango ditugu Deustun eta Miribillan; Kirola eta Natura ekimena berriro dugu martxan bi ibilaldirekin; gazteagoentzako Rap tailerrra Raperurekin; Itsamuseumera bueltatuko gara bi egunetan; Santutxu aldean pintxo osasungarriak egiten ikasiko dute; Rekalde aretoan instalazio ezberdinak ikusteko parada izango dugu; Maus komikiaren itzultzailearekin lan egiteko aukera izango dugu, eta amaitzeko hila (eta haien ikasturteko azken ekitaldia) Zientzia berbalagunak izango ditugu kosmologiako hiztegiaz berbetan. Jada baduzue izena emateko aukera:

EMAN IZENA: https://labur.eus/YMK2Y

#Darabilbo

#PraktikatuEtaBizi

#BilbonEuskaraz

 

 

 

Darabilbo 2023, urtarrileko agenda: museoak, garagardoa, kakorratz-lana eta beste asko.

 

 

Zer darabilbozue?

Darabilbotik urte berri ona opa nahi dizuegu, eta euskararen aldetik hori bermatzen laguntzeko, jada dugu prest urtarrileko agenda.

Museo bisita gidatuak izango ditugu, bai Rekalde aretoan, bai Bilboko Arte Ederren museoan. Pasta agroekologikoa zein Pintxo osasungarriak egiteko tailerrak izango ditugu Deustu aldean. Kakorratz-lanarekin jarraituko dugu, oraingo honetan proiektu erraldoiarekin (txalekoa), horretarako 4 saio beharko ditugu-eta urtarriletik martxora. Zientzia solasaldiekin jarraituko dugu Santutxu aldean; eta amaitzeko garagardo dastaketa Txurdinagako merkatarien elkarteko lokalean.

Urte amaierako ospakizunetan nahiz 2023an euskara ahoan izan dezazuela.

Laster arte.

 

EMAN IZENA

 

#Darabilbo

#PraktikatuEtaBizi

#BilbonEuskaraz

#EuskarazEtaDoan

#Bilbo

 

Darabilbo 2022, ekaineko agenda: Kakorratz Gerrilla, Irute eta kardatze kalean, kirola eta ibilaldiak.

 

Ikasturteko azken ageena da hau, irailera arte atsedena hartuko dugu eta. Baian merezi du ekainekoa:

• Otxarkagako jaietan, euskararen egunean, Kakorratz Gerrillak (Darabilbo tailerretatik sortutako kakorratz berbalagun taldeak) bere lehenengo ekintza egingo du:Ugarte plaza mozorrotu kakorratzez egindako lanez.

• Kirola eta Natura egitasmoaren barruan, bi ibilaldi egongo dira Luzueron eta Zumaiako Fyscha (12an eta 19an); familian taldeka edota banaka egitea dago, hori bai, garraioa zuen esku.

• 14an, Rekalde aretoa Irantzu Yaldebere-ren obra ikusteko aukera izango dugu bisita gidatuan.

• Kirola eta naturaz aparte, kirolaren hilea da ekaina gurean. Batetik Ipar martxa zer den jakiteko eta egiteko aukera izango dugu 15ean. 18an berriz, Big sup (paddle surf erraldoia) itsasadarrean; igeri egiten jakitea derrigorrezkoa da. Azken horretan, gainera 16-25 urteko euskaldunek izango dute lehentasuna.

• 16an, kardatze eta irute tailerra izango dugu Artilea Mundura-ko Rakelekin.

• 17an, Otxarkoagan berriro, Mari Luz Esteban idazlearekin bere liburuaz (Andre zaharraren manifestua) eta beste gauza askotaz berba egiteko aukera izango dugu.

• Amaitzeko, eta ikasturteko agurra lez, bisita gidatua izango dugu Zorrotzatik Olabegaraino.

Ondo pasa.

IZENA EMAN

#Darabilbo

#PraktikatuEtaBizi

#EuskarazEtaDoan

#Bilbo

 

 

Darabilbo 2022, maiatzeko agenda: ibilaldiak, dastaketak, tigre baltsamoa eta abar, eta abar.

 

 

Udaberriarekin batera darabilbotarrok kalera aterako gara, eguraldiak lagun. Batetik, Ibilaldi Arestiarra Bilbon izango dugu, Gabriel Arestiren Bilbo eta baita bere obra ere ezagutzeko. Hil amaieran, berriz, Masustegi auzora joango gara, Bilboko azken auzoa, hain zuzen ere.

Dastaketak izango ditugu Iralan eta Uribarrin; tigre baltsamoa egiten ikasiko dugu Saioa Rebolledo naturopatarekin; Gor komunitatera hurbilduko gara, baita zeinu hizkuntza apur bat ikasi ere (tailer hau bereziki Bilboko euskaltegietako irakasle guztientzat antolatu dugu, dena dela edonork har dezake parte) Eskuaire-ko partaideekin; Bilboko Aste Berdearen barruan, udaberriko errezetak atontzen erakutsiko digute Sustraiak Catering-eko partaideek; Rekalde aretoan Mikel Erkiaga artista gaztearen obra ezagutu ahal izango dugu, eta berarekin tailer txiki bat egiteko aukera ere bai; eta , hilabetea hasteko Miren Agur Meabe ekarriko dugu Otxarkoagara, bere bide poetikoaren gainean berba egiteko.

Izena emateko, betiko lez, beheko lotura sakatu, eta aurrera:

 

IZENA EMAN

#PraktikatuEtaBizi

#Bilbo

Darabilbo, 2021eko urriko agenda.

 

Urriarekin batera, Darabilboren agenda datorkigu. Hil honetan, zenbait kontu berri eta aspaldian egiten ez genituen beste batzuk, ABC, Bilboko museoaren erakusketa kasu. Lanak hasiko dira museoan, eta itxi baino lehen ia 2 urte programatu gabe genuen bisita gidatua bururatu zaigu. Errekalde aretoan, beste aukera interesgarri bat daukagu, instalazio eta euskarri ezberdinetan gauzatutako erakusketa. On Ekin-eko lagunek hauxe bidali digute atondu dute tailerraren gainean:

• "Egunerokotasunean elikadura ohitura osasungarriak barneratzea lortu duzu, baina bizitza sozialarekin nola kudeatu? Bizi estilo osasungarri batean alkohola sartu daiteke edo alkoholik gabeko edariak sartu behar dira? Lagunarteko asteburuetako otarteko, pintxo... afari bazkariak konpentsatu behar dira hurrengo egunean? Etxetik kanpo nola egin aukera osasungarriak? Baina, zer da osasungarria, soilik osasungarriak diren produktuak kontsumitzea? Galdera guzti hauen erantzungo ditugu eta baita trikimailu batzuk eman bizitza soziala eta ohitura osasungarriak kudeatzeko. Animatzen zarete?" Interesgarria, ezta?

Bestalde, Hamburgo Platz ostera bere badugu inarrosteko gure burua. Nigatik Artesania-ko Arantzak xala egiten erakutsi eta lagunduko digu, bi eguneko tailerrean. Eta amaitzeko, Ateleir Lora-ko Maria Aguirrekin ikusiko dugu kosmetika egiten sendabelarrekin. Lehenengo aldiz Darabilborekin, eta gainera ideia piloarekin etorri zaigu.

Azaroan ekintza bete agenda antolantzen ari gara. Beraz, adi egon.