Darabilbo 2025, abenduko agenda: garagardoa, txakolina kakorratza-lana, Ondare aretoa, marinatuak, Yoga eta Zientzia Berbalagunak.

 

Darabilbo 2025: abenduko agenda.

Darabilbo abenduan: garagardo dastaketa, Errekalden; txakolin dastaketa, Txurdinagan; zinema-kartelak Bilbon, Ondare aretoan (bi egunetan); museo bisitak, Yoga euskaraz, Deustu aldean; Zientzia berbalagunak; eta marinatuak egiten ikasiko dute, Zorrotzan. Ondo pasa.

EMAN IZENA

Darabilbo.eus

#euskaraZUzara
#Darabilbo
#BilbokoBerbalagunaMintzapratikaTaldeak
#Bilbo

 

Darabilbo 2025, azaroko agenda:Berbalagunon hasiera ekitaldia, kakorratza-lana, museoak, gozogintza, Yoga eta Zientzia Berbalagunak.

 

 

Zer darabilbozu?

Darabilbo azaroan: Bilboko Berbalaguneko hasiera ekitaldia  egingo da Deustun; azenario, koko, jengibre eta txokolatezko bolatxoak egiteko 3 tailer, ordu eta leku ezberdinetan; kakorratza-laneko azken saioa (adituentzat); museo bisitak, Bilboko Arte Ederren museoan (Ataria BAT), izeneko erakusketara; Yoga euskaraz Deustu aldean eta Zientzia berbalagunak, beira hizpide. Ondo pasa.

EMAN IZENA

#Darabilbo

#euskaraZUzara

#Bilbo

 

Darabilbo 2025, urriko agenda: Kakorratz Gerrilla, museoak, gozogintza, Yoga eta Zientzia Berbalagunak.

 

 

Zer darabilbozu?

Udagoienari ongietorria emateko, Darabilbok agenda zabala prestatu du: kakorratza-lana, gozogintza tailerra, museo bisita gidatuak, yoga euskaraz eta Zientzia Berbalagunak.

Kakorratz Gerrillak, oraingo honetan, tailer aurreratua atondu du (hau da eskarmentua izan beharko duzue) mosaiko teknikaz neguko kapela egiteko (aurrerago beste bat egingo duzu hasiberrientzat: sorpresa). Txaramelako nesken eskutik bolatxo gozoak prestatu eta jango ditugu, Txurdinaga aldean. Bilboko Arte Ederren museoan, berritze lanen parte bat bukatuta, Ataria (Bat) erakusketa izango dugu ikusgai arte urbanoa ardatz duena, goizean zein arratsaldean. Urte osoan zehar Yoga euskaraz, Ainhoa Unzalurekin, izango dugu hilero azken asteartetan, lehenengo saioa urriaren 28an izango da. Zientzia Berbalagunak egitarau berriarekin datoz: solido eta likidoen istorio eta historia harrigarriak. Eta hila amaitzeko Rut Olabarriren erakusketa ikusiko dugu Rekalde aretoan.

Gogoan izan Egunean Behin jokoaren 19. denboraldia hasi dela, eta Darabilbo-BilbokoBerbalaguna taldean parte hartzea duzue.

Denetarik, denentzako eta euskaraz.

#Darabilbo

#euskaraZUzara

#Bilbo

 

Darabilbo 2025, apirileko agenda.

 

Darabilbo 2025, apirileko agenda.

Jai egunen atarian egon arren, aurretik eta ostetik ekitaldia nahikotxo izango ditugu Darabilbon. Hasteko, Zaldi Mamarroa liburuaz solasaldia egingo dugu Ekaitz Goienetxea idazlearekin. Egunean bertan, arratsaldean, Euskal Sagardo dastaketa egongo da Garoa txokoan, eta hilaren 8an Familian Euskaraz jolasean ekimenaren barruan zirku tailerra egingo dugu Santutxuko Karmelo plazan, bi txandatan. Hiru ekimen horiek Santutxu-Txurdinagako Euskararen astearen barruan. Deustun txakolin baltzen dastaketa egingo dugu, Roberto Sarriugartek gidatuta. Zorrotzan, bi ekimen izango ditugu: 4an, Zorrotzako Berbalagunon udaberriko poteoa; eta 8an, Txaramelak antolatutako bolatxo gozoak egiteko tailerra. Jaietako egunen bueltan, yoga euskaraz Deustu aldean, eta Zientzia berbalagunak, Santutxun, transistoreez berbetan. Ahaztu gabe Egunean Behin lehiaketan aritzen garela oraindik Darabilbo-BilbokoBerbalaguna taldean.

Eman izena.

 

Darabilbo 2025, urtarrileko agenda.

 

 

Darabilbok agenda jada prest du urte berrirako. Kakorratz gerrillaren saio bi, Barazki haburgesak Txaramela Pastarekin, , Ondare aretoan Kameratik orratzera ikusteko parada izango dugu Eulalia Abaituaren argazkien emakumeen jantziaz aritzeko, Zientzia Berbalagunak erradioaktibitateaz arituko dira  Jose Ramon Etxebarria fisikariaren eskutik, Bilboko Arte Ederren museoan Guezala vs. Goenaga proposamena ikusteko aukera izango dugu, Jon Arretxe eta Aldauri fundazioaren eskutik Touré detektibearen ibilbidea jarraituko dugu eta hila amaitzeko Garagardo Dastarketa izango dugu Miribillan (dastaketa + azterketa, nota ona ateratzen duenak saritxo bat eramango du).Ondo pasa.

 

EMAN IZENA

Darabilbo.eus

#PraktikatuEtaBizi

#euskaraZUzara
#Bilbo

#Darabilbo

Darabilbo 2024, abenduko agenda.

 

 

Darabilbo abeduan: barazki hanburgesen tailer bi izango ditugu Txaramelarekin, bisita gidatu bat goiz batean (Bilboko Arte Ederren museoan, Egunean Behin 16.eko sasoiaren amaiera ekitaldia,
Bizkaiko txakolin berezien dastaketa Txurdinaga aldean, Zientzia Berbalaguneko urteko azken ekitaldia eta Zorrotza aldean okindegi batera bibita gidatua egingo dugu Mikel Saizen eskutik.
Urtea amaitzeko, ezin plan aproposagorik. Ondo pasa.

EMAN IZENA

Darabilbo.eus

#PraktikatuEtaBizi
#euskaraZUzara
#Darabilbo
#Bilbo

 

Darabilbo 2024,maiatzeko agenda: ibilaldia, txakolina, buruarinak, Zientzia Berbalaguna eta abar.

 

Darabilbo 2024, maiatzeko agenda.

Darabilbon maiatzean: orientazio ibilaldi bi izango ditugu Serantesen eta Brutroin,  Kirola eta Natura egitasmoaren barruan; pasta tailerra Zorrotzan; Begoñako txakolinaz solasaldia eta dastaketa, Garaizarko jaien barruan; familian euskaraz jolasean egitarauaren barruan antzerki tailerra, Alde Zaharreko jaietan; bisita gidatua  Arkeologia museora, gure berbalaguna Silviaren eskutik; Zientzia Berbalagunak, errepresioa izan duten zientzialariez beren teoria berriengatik; eta Buruarinak Zurbaran eskolan. Ondo pasa.

#Darabilbo

#PraktikatuEtaBizi

#BilbokoBerbalagunaMintzapraktikaTaldeak

EMAN IZENA

Darabilbo.eus

 

Darabilbo 2024: urtarrileko agenda.

 

 Zer darabilbozue?

Darabilbok agenda jada prest du urte berrirako. Kakorratz gerrillaren saio bi, BBKateak Bilboko Arte Ederren museoan beste bisita bi, Ondare aretoan azken aukera Bilboko Zinemen arkitektura ikusteko parada, Rekalde aretoan azkena ere Sorrouileren proposamena ikusteko, pasta tailerra Txaramelarekin Txurdinagan eta, hila amaitzeko, Zientzia Berbalagunak Arkimedez arituko dira  Jose Ramon Etxebarria fisikariaren eskutik.Ondo pasa.

EMAN IZENA

Darabilbo.eus

#PraktikatuEuskarazGurekin
#BilbonEuskaraz
#Darabilbo

 

 

Darabilbo 2023, urtarrileko agenda: museoak, garagardoa, kakorratz-lana eta beste asko.

 

 

Zer darabilbozue?

Darabilbotik urte berri ona opa nahi dizuegu, eta euskararen aldetik hori bermatzen laguntzeko, jada dugu prest urtarrileko agenda.

Museo bisita gidatuak izango ditugu, bai Rekalde aretoan, bai Bilboko Arte Ederren museoan. Pasta agroekologikoa zein Pintxo osasungarriak egiteko tailerrak izango ditugu Deustu aldean. Kakorratz-lanarekin jarraituko dugu, oraingo honetan proiektu erraldoiarekin (txalekoa), horretarako 4 saio beharko ditugu-eta urtarriletik martxora. Zientzia solasaldiekin jarraituko dugu Santutxu aldean; eta amaitzeko garagardo dastaketa Txurdinagako merkatarien elkarteko lokalean.

Urte amaierako ospakizunetan nahiz 2023an euskara ahoan izan dezazuela.

Laster arte.

 

EMAN IZENA

 

#Darabilbo

#PraktikatuEtaBizi

#BilbonEuskaraz

#EuskarazEtaDoan

#Bilbo

 

2021eko martxoko agenda. Berritasunak eta beste kontu batzuk.

 

 

 Martxoko agenda, kontu berriak

Azken boladan, aforoak direla eta, arazoak izan ditugu zenbait ekitaldi burutzeko, museo bisita gidatuak eta gozogintza tailerrak, kasu. Hori dela eta, martxoak bi ekitaldi horiek ez egitea eta Aste Santuren bueltan saiatuko gara berriro  egiten (egoera aldatuko ahal du!). Dena dela, aldaketaren bat egongo balitz aste hauetan, bertan behera utzitako tailerrak egiteari ekingo diogu izen emandako jendearekin.

• Gatozen harira, gozogintza ez da martxoan egongo, baina sukaldaritza, bai. Artxandako Sukaldaritza eskolarekin elkarlanean bi tailer prestatu ditugu martxoaren amaierarako: Arrozak eta risottoak. Erriberako merkatuan, beren-beregi horretarako prestatuta dagoen sukalde dotore batean. Goizez baino ezin izan ditugu programatu hil honetan, hala ere, lasai, apirilerako arratsaldean ere egongo dira.

• Bilboko Berbalagunarekin (mintzapraktika taldeak) elkarlanean Familian Euskaraz Jolasean antolatu dugu Urtxintxa Eskolaren laguntzaz. Helduak eta haurrak elkarrekin jolastea euskaraz du helburu egitasmoak. 45 minutuko hiru saio egingo ditugu. Saio bakoitzean 4 laguneko bi talde, distantzia nahikoarekin eta maskara jantzita. Bi taldeen erdian Urtxintxa Eskolako dinamizatzailea. Hori bera, 17:00etan, 18:00etan eta 19:00etan. Orotara 24 lagun arituko dira. Horrelako bi egingo ditugu: Deustun, martxoaren 17an; eta Santutxun, martxoaren 24an. Familiako, heldu eta haur bana (4 urtetik 10 urtera). Izena helduak emango du eta haurraren izena aipatuko du.

• Azken berritasuna Txiribuelta, bidaia frustratu baten abentura ederra solasaldia izango da. Asier Arroitaren esku (batzuek argazkilaritza tailerretik gogoan izango duzue), pandemiaren erdian harrapatutako bidaia kontatu eta berarekin komentatzeko aukera izango dugu, Otxarkoagako udaltegian.

Gehiago ere badago, begiratu bat egin, ez zaizu damutuko.

Ondo pasa eta zaindu.

#NikEuskarazSeguru

 

Egunean Behin Darabilboko taldean, Bgnauta berriro irabazle. Birusak #EzGaitutuMututuko

Maiatzaren 11tik 18ra doan tartean Bgnauta berriro ere lehena izan da. Italiatik jokatu arren, euskal kulturaz eta abarrez dakiena frogatzen ari da. Baina zuek lasai, aste honetan itxialdia izugarri murriztu da herrialde alpinoan, eta beraz Bgnauta deskonzentratuago egongo da.
Aste honetako saria Txaramela Pastak prestatutako saskia dugu. Baina gainera parte hartu duzuen artean arrautza dozena bana jasoko dute parte hartzaile bi. Hemen, zozketaren emaitza:

• Marina
• Enecovich

Zuek biok, ostegunetik aurrera pasa zaitezkete Erriberako azokatik bila.
Zorionak guztioi, euskaraz aritzeagatik.
Birusak #EzGaituMututuko
#PraktikatuetaBizi
#GERATUETXEAN

Egunean Behin Darabilbo taldea, aste honetako saria eta zozketa. Birusak #EzGaituMututuko

Aste honetako Egunean Behin Darabilbo taldeko lehenak Txaramela Koop.-eko saskia eramango du (Pasta agroekologikoa). Txaramelako Ainarak eta Izaskunek gurekin egin dituzte pare bat tailer, bideo bat eta beste bideo baten esperoan gaude. Produktu benetan goozoak ekoizten dituzte. Jo eta ke ibili behar duzue lortzeko.

Baina lasai, parte hartzea ere saritu nahi dugu: aste honetako parte hartzaile guztien artean,  Jabi eta Joseren dozena bana arrautza zozketatuko ditugu, bi lagunentzat (Erriberako Azoka 208. postua).

Garai hauetan bertako produktuak saltzen dituzten merkatari euskaldunak ere lagungu nahi ditugu (eta zuek pozik eta gogotsu eduki).

Beraz ekin jokatzeari, euskarak beti saria ematen du eta.

Birusak #EzGaituMututuko

#PraktikatuetaBizi

#GERATUETXEAN

Egunean behin Darabilbo Taldea, aste honetako saria eta zozketa. Birusak #EzGaituMututuko

Asteon, Egunean Behin Darabilbo taldeko lehenak Txaramela Kooperatibak (pasta agroekolgikoa) prestatutako saskia eramango du. Baina parte hartzea ere bultzatu nahi dugulako (ez bakarrik lehia) aste honetan jokatzen duzuen artean dozena bi arrautza zozketatuko ditugu bi pertsonentzat, bertako merkatari euskaldunak bultzatzeko eta zuek pozik egoteko. Ostegunean informazio gehiago emango dizuegu.

Bihar adi egon Lizarditarron (Gloria eta Jenaro) beste bideo bat zabalduko dugu eta.

Birusak #EzGaituMututuko

#PraktikatuetaBizi

#GERATUETXEAN

Txaramelako Izaskun, iraultza sukaldean hasten da. Birusak #EzGaituMututuko

Txaramelako Izaskunek pasa den astean egitekoa zuen Lizardi AEK-n tailer bat pasta agroekologikoa aintzat hartuta. Ezinezkoa izan zenez, begiratu zer bidali digun zuek etxean ere erabil dezazuen. "Iraultza sukaldean hasten da" jarri dio titulua, interesgarria benetan. Gozatu etxetik.

Birusak #EzGaituMututuko

#PraktikatuetaBizi

#GERATUETXEAN